Gee die klein outjies ook 'n kans!

Die tow-truck-bedryf is ’n gemors – die fat cats word net vetter terwyl kleiner besighede die spit afbyt.

Ettienne Pel, voorsitter van Utasa, sê die twee organisasies word nie deur die regering erken nie, maar dat hulle wel saam met die Vervoerdepartement werk om die industrie te reguleer.

“Die insleep-industrie het reeds so ’n slegte naam, en Utasa probeer sy uiterste bes doen om die beeld te verander en reg te stel by die padverbruiker,” sê Ettienne.

“Dis juis waarom ons daaraan glo dat ons organisasie eerder ’n kleiner groep professionele operateurs het, as om ’n klomp te hê wat oneerlik en oneties optree.”

Volgens Ettienne is dit ’n voorreg, en nie ’n reg nie, dat insleepdienste die motoris kan bystaan en moontlik hulle voertuie sleep.
 
“Ons moet in gedagte hou dat ons sonder die motoris nie besigheid het nie. Ons moet ook onthou dat ons billike tariewe moet vra en nie die dam onder die eend se gat uitruk en die motoris benadeel nie,” sê Ettienne.
 
Utasa het ’n paar wenke vir die motoris:
 
Moet NOOIT dokumente teken voordat jy gelees en seker gemaak het wat die kostes is nie.
 
Maak seker dat die naam wat op die insleepboek is, dieselfde is as wat op die voertuig staan. Indien nie, kontak Utasa op 0861188272 vir bystand.
 
Bel ALTYD jou versekering van jou EIE selfoon af. Indien jy nie seker is van die nommer nie, kan jy Utasa skakel en hulle sal die korrekte nommer vir jou gee.
Lees die volledige berig in die koerant.